KISWAHILI 2:MADA 2 : MAENDELEO YA FASIHI SIMULIZI UWASILISHA NA UENEZAJI WA KAZI ZA FASIHI SIMULIZI

MADA 2 : MAENDELEO YA FASIHI SIMULIZI UWASILISHA NA UENEZAJI WA KAZI ZA FASIHI SIMULIZI

Ni aina ya fasihi ambayo hutumia mdomo katika kuumbwa, kuwasilishwa na kusambazwa kwa wasikilizaji wake.

AU

Ni sanaaa ambayo hutumia mazungumzo na matendo katika kuwasilisha ujumbe uliokusudiwa kwa watazamaji au wasikilizaji.

Mazungumzo hayo huwa katika mfumo wa masimulizi kwa kuumbwa, kutambwa, kuganwa au kutongolewa.Fasihi simulizi hueleza jamii kiutamaduni, kiuchumi na kisiasa, fasihi huzungumzia juu ya yale mambo ambayo huzunguka jamii husika, fasihi simulizi huathiriwa sambamba na mabadiliko ya jamii na kwa hiyo nayo hubadilika kimaudhui na kifani kufuatia mabadiliko ya mifumo ya kisiasa, kiuchumi, na kijamii.

Fasihi simulizi ni utanzu wa Sanaa ambao hukua na kubadilika kutokana na mabadiliko ya wakati na mifumo ya jamii.

VIPENGELE MUHIMU VYA FASIHI SIMULIZI

(a)    Msimulizi (fanani)

      Huyu huwa ni mtu ambaye anaitamba hadithi, kuimba wimbo, kusimulia au kutoa vitendawili au methali.

(b)   Wasikilizaji au watazamaji (Hadhira)

Hawa ni washiriki katika kutazama au kusikiliza fani ya fasihi simulizi na mara nyingine huwa wanatumiwa na fanani kama wahusika katika fani yake

(c)    Mandhari

Hili ni jukwaa au mahali ambapo tukio la kifasihi (fasihi simulizi) litatendeka.Pahali au mahali hapo yaweza kuwa nyumbani, uwanjani, kuzunguka moto, baharini n.k.

(d)   Tukio/Dhana inayotendeka

Hili huwa ni tendo linalotendeka kwa jukwaa la fasihi simulizi. Tendo hili kaweza kuwa ni usimulizi wa hadithi, kutega vitendawili, kuimba nyimbo au wimbo au kutoa methali.

SIFA ZA FASIHI SIMULIZI.

1.       Fasihi simulizi ina sifa ya utendaji ambao hushirikisha fanani na hadhira kwa wakati mmoja.Hii humfanya fanani aweze uonyesha baadhi ya matendo katika usimulizi wake kama vile kutumia viungo vya mwili kwa kuchezesha midomo, kukunja uso, kubinya macho, kuchezesha mabega n.k.

2.        Fasihi simulizi ina sifa ya kuwepo kwa fanani ambaye huweza kusimulia kwa kuimba, kusoma kwa sauti au kubadilisha mtindo wa usimuliaji wake,fanani huweza kufanya yote hayo kama akiona hadhira yake imechoka kusikiliza.Pia ana uwezo wa kuona kama ujumbe wake umeeleweka au la!

3.       Fasihi simulizi ina sifa ya kuwepo kwa washirikishwaji wa fanani na hadhira, hadhira hushiriki kwa kuuliza maswali kupiga makofi kuimba kutegemea jinsi atakavyoishirikisha.

4.       Fasihi simulizi zina sifa ya kwenda na wakati na mazingira tabia hii inatokana na jinsi fasihi simulizi inavyoenea wasikilizaji huwa wengi na hata kama tanzu za fasihi simulizi zilipitwa na wakati zinaweza kubadilishwa na fanani ili zisadifu mazingira maalumu ya wakati huo.

5.       Fasihi simulizi huzaliwa, hukua, huishi hata kufa hii inasababishwa na mabadiliko ya mazingira ambayo hufuata mfumo wa kihistoria wa jamii, mfano kutokana na maendeleo ya sayansi na teknolojia ya kuhifadhi fasihi simulizi katika maandishi ya fasihi simulizi huonekana chapwa kwa sababu ya mambo kama vile miondoko au ngoa, vinakuwa havimo.

6.       Fasihi simulizi ina sifa ya kuwa na uwanja maalumu wa kutendea. Fasihi simulizi huwa na sehemu kwa ajili ya aina fulani ya fasihi simulizi itakayofanyika na wahusika mfano tambiko huwa na sehemu maalumu ya kutambikia kama vile sehemu yenye pango,kwenye mti mkubwa kama vile mbuyu, njia panda, makaburini n.k.Hivyo ni wazi kwamba fasihi simulizi inahitaji uwanja wa kutendea yenye kuhusisha vitendo.

7.       Fasihi simulizi ina sifa za kuwa mali ya jamii nzima.Tangu zake zote zikishatendwa humilikiwa na jamii kwa pamoja na hii ndiyo inayopatiwa uwezo wa kurithishwa kizazi kimoja hadi kingine.Hivyo huwafikia watu wengi hata wale wasiojua kusoma na kuandika.

UWASILISHAJI NA UENEZAJI WA KAZI ZA FASIHI SIMULIZI

(a)   UWASILISHAJI WA FASIHI SIMULIZI

Uwasilishaji hutumiwa kuelezea njia au mtindo unaotumiwa kufanya kazi ya kifasihi iwafikie walengwa .Mfano uwasilishaji wa maigizo ni kutendwa kwake jukwaani mbali ya hadhira ya watazamaji.Tangu zamani, uzalishaji wa tanzu za mbalimbali za fasihi simulizi huwasilishwa kwa masimulizi ya mdomo na matendo.

Mattemi (1983:27) Anasema fasihi simulizi ni fasii ambayo hutumia mdomo katika kuumbwa watumiaji wake hutegemea nyenzo mbalimbali za kuonekana na kusikikia zitumiwazo na binadamu katika kujieleza binadamu hutumia Sanaa hii yam domo kuwa mwangaza juu ya maisha yake ya kila siku.Hubuni hadithi, nyimbo, methali n.k. zinazobaini hisia zao mbalimbali kuhusu maisha na mazingira yao.Fasihi simulizi pia inaweza kuzungumzia historia ya watu wa jumuiya Fulani itikadi zao na mambo mengine mengi wanayoyathamini katika kuishi kwa pamoja.

Kwa kuwa fasihi simulizi haiandikwi kuhifadhiwa kwake kunategemea kuelimishana kwa mdomo kutoka kizazi kimoja hadi kingine kwa njia hii kizazi kimoja kinaweza kuwasilisha kizazi kingine yale mambo muhimu ambayo kinataka yaendelee katika jamii hiyo mambo ambayo yamefungamana na mazingira yao maisha yao utamaduni wao na itikadi zao.

(b)UENEZAJI WA KAZI ZA FASIHI SIMULIZI

UENEZAJI:

Ni dhana inayotumiwa kueleza uhusiano unaokuwako kati ya hadithi za jamii mbalimbali.Dhamira ya kimsingi ya nadharia hii ni kuonyesha kuwa inawezekana kuwa jamii zinazohusika ziliingiliana kihistoria au kutokana na ukaribu wao wa kijiografia kuingiliana huku kunaweza kuwa msingi wa kuwako kwa hadithi zinazosimuliwa ambazo zinafanana

Mfano utenzi wa Fumo Liyongo unapatikana katika jamii kadhaa za pwani ya Kenya kama waswahili, wapokomo, wabajuru n.k. Inawezekana kuwa hupatikana huku ni tokeo la ueneaji hasa kwa kuwa hizi ni jamii zinazokaribiana kijiografia za zilizohusiana kihistoria

SABABU ZA KUENEA KWA FASIHI SIMULIZI.

a)      Kuanzishwa kwa vikundi vya Sanaa na muziki.

Vikundi mbalimbali vya Sanaa na muziki vilianzishwa ambavyo kazi yake ni kuendeleza tanzu mbalimbali za fasihi simulizi hapa nchini.Vikundi vya Sanaa za maonyesho, Vikundi vya taarabu na muzikivinafanya kazi kubwa ya kueneza na kuendeleza fasihi simulizi hapa nchini.

b)      Muingiliano na fasihi andishi.

Kuenea kwa kazi ya fasihi simulizi kwa asili ni kwa mdomo na masikio yaani usimulizi, hata hivyo maendeleo ya watu yamefanya baadhi ya kazi za fasihi simulizi zienee kwa maandishi.Maandishi ni jitihada za kuhifadhi kazi ya fasihi simulizi na kuifikisha mahali ili ikatambuliwe au isumimuliwe.Hadithi mbalimbali kama vile

    -Hekaya za Abunuasi (1915)

    -Hadithi za Esopo (1890)

    -Fasihi simulizi ya mtanzania.Hadithi (1977) TUKI

Hizi zote zimehifadhiwa na kuenezwa kwa maandishi.

Fasihi andishi inatumia vipengele mbalimbali vya fasihi simulizi katika uandishi wao na hivyo kuviendeleza vipengele hivyo kama vile

    -Matumizi ya semi mbalimbali

    -Matumizi ya nyimbo

    -Matumizi ya hadithi ndani ya hadithi

    -Matumizi ya mianzo na mishilizo ya hadithi za fasihi simulizi

    -Matumizi ya majigambo, utani n.k.

Kwa sasa methali, vitendawili, nahau, vimewekwa katika maandishi kwa ajili ya kumbukumbu za baadaye na hivyo vinaenezwa kwa njia ya maandishi.

c)       Ufundishaji shuleni na vyuoni

Mfumo wa Elimu nchini nao umesaidia kueneza fasihi simulizi kwa kiasi kikubwa hapa nchini kwa sasa fasihi simulizi ni somo linalofundishwa toka darasa la kwanza hadi ngazi za juu (chuo kikuu)

Vile vile kuna vyuo hapa nchini vinavyofundisha baadhi ya tanzu mbalimbali za fasihi simulizi kama vile Sanaa za maonyesho na muziki. Mfano chuo cha Bagamoyo, Butimba, Nyegezi na chuo kikuu cha Dar-es-salaam.

d)      Mabadiliko ya kiteknolojia.

Kutokana na maendeleo ya Sayansi na Teknolojia kwa sasa fasihi simulizi inaenezwa kwa vyombo vya habari kama vile kaseti, redio, video, luninga, mtandao wa kijamii n.k.Mfano Redio Tanzania (TBC) kupitia kipindi chake cha “Mama na Mwana” “Watoto Wetu” vimesaidia sana kueneza fasihi simulizi hapa nchini Tanzania katika vipindi hivi watu husimuliana hadithi mbalimbali walizopatwa kusimuliwa hutegemea vitendawili humalizia methali kwa nyimbo

Luninga nazo zimesaidia sana kueneza fasihi simulizi nchini kupitia vipindi mbalimbali vya michezo ya kuigiza.Hivyo mabadiliko ya Sayansi na Teknolojia hayawezi kuwa fasihi simulizi

Mwingiliano wa mataifa mengine.

Katika mwingiliano muziki umesaidia sana kukuza fasihi simulizi.Hali hii imesaidia kuleta muziki wa kizazi kipya (muziki wa kutoka toka) pamoja na Rege  vijana wa kizazi kipya wamechota miundo na mitindo ya muziki kutoa nje na kuendeleza muziki wao ingawa madhui bado wanajadili yale yale yaliyojadiliwa na wanamuziki wa zamani.

Matumizi ya fasihi simulizi katika Sayansi na Teknolojia yamesaidia sana kuenea kwa fasihi simulizi kwani fasihi simulizi inapata hadhira kubwa kwa wakati mmoja lakini hadhira hiyo haiyonani ana kwa ana na fanani wao kwa kutumia vyombo hivyo vya Sayansi na Teknolojia.

ATHARI ZA SAYANSI NA TEKNOLOJIA KATIKA UWASILISHAJI NA UENEZAJI WA KAZI ZA FASIHI SIMULIZI

Mwanzo fasihi simulizi iliwasilishwa na kuenezwa kwa njia ya masimulizi ya mdomo hivyo fanani na hadhira walikuwa ana kwa ana wakati wa uwasilishaji lakini zama hizi za Sayansi na Teknolojia, uwasilishaji na uenezaji unaotumia vyombo vya habari kama vile redio, video, televisheni, kanda kunasia sauti, mtandao na hata kompyuta, mara nyingi hasa hadhira haiwi ana kwa ana na fanani hutokea hadhira ikawa inaangalia luninga au sinema au tamthiliya jukwaani kwenye mazingira kama hiyo si rahisi hadhira kushiriki kikamilifu katika utendaji.

Kutokana na maendeleo ya Sayansi na Teknolojia fasihi inaathiriwa katika vipengele vifuatavyo:-

1.       Uwasilishaji. Mwanzoni fasihi simulizi inawasilishwa kwa njia ya masimulizi yam domo hivyo fasihi na hadhira walikuwa wanaonana ana kwa ana wakati wa uwasilishaji lakini katika kipindi hiki cha sayansi na teknolojia, uwasilishaji wa fasihi  simulizi unatumia vyombo kama, vile redio, luninga, video, kanda, mtandao na hata kompyuta na sio msanii awapo.

2.       Uhifadhi, kutokana na maendeleo ya sayansi na teknolojia sasa fasihi simulizi inaweza kuhifadhiwa vizuri Zaidi kuliko inavyofikiriwa na wanamapokeo. Lakini leo hii fasihi simulizi inaweza kuwekwa katika mkanda wa kompyuta (flash disc) CD, DVD, Maandishi n.k na ikaendelea kuwepo kwa miaka mingi sawa sawa na fasihi andishi hata zaidi.

Kwa upande wa video na DVD, uhifadhi wake huendelea kuonyesha vitendo na sauti huweza kudumu hata zaidi ya maandishi katika fasihi andishi itatungwa vizuri.

3.       Wakati na mahali, zamani fasihi simulizi ilifanyika sana saa za jioni, kando ya moto au barazani. Aidha kwa vile fasihi simulizi hutolewa redioni inaweza kusimuliwa wakati wowote na mahali popote ambapo kipindi kinasikika na kwa saa na wakati huo. Majumbani, mijini watoto hawazunguki moto tena, bali husubiri wakati kipindi kinaporushwa kwani siku maalumu na wanaizunguka luninga au redio.

4.       Hadhira au ushirikishwaji wa hadhira, zamani hadhira ya fasihi simulizi ilikuwa inaonana ana kwa ana na fanani wake wakati wa uwasilishaji wake. Hadhira iliweza kuchangia kazi ya fasihi hiyo na hata kuathiri uumbwaji wake, ikaitwa hadira tende. Lakini katika muktadha wa maendeleo y sayansi ana kwa ana na msimuliaji na sio lazima iathiri usimuliaji.

UHIFADHI WA KAZI ZA FASIHI SIMULIZI

Kwa sasa fasihi simulizi inaweza kukusanywa na kuhifadhiwa kwa njia zifuataz:-

a)      Kichwa, uhifadhi wa fasihi simulizi ni katika vichwa vya watu kutoka kizazi kimoja hadi kingine. Jambo hili limekuwa likifanyika kwa muda mrefu sana. Hivyo kutokana na kuhifadhiwa katika vichwa ndio maana fasihi simulizi itakuwa ikirithishwa katika kizazi kimoja hadi kizazi kingine.

b)      Maandishi, Tangu maandishi yagunduliwe baadhi ya kazi za fasihi simulizi zimekuwa zikihifadhiwa kwenye maandishi kwa ajili ya kumbu kumbu ya baadaye. Kazi za fasihi simulizi zikihifadhiwa katika maandishi inaweza kufanya watu wasijue ni simulizi au andishi. Hata hivyo vidokezo kadhaa husaidia kazi za fasihi simulizi huwana mianzo ya “Paukwaa! Au hadithi…….hadithi njoo” n.k. Aghalabu fasihi simulizi huwana mtiririko wa moja kwa moja usio na urejeshi.

c)       Kanda za kunasia sauti (tepu rekoda),Hii ni njia moja wapo inayotumika kuhifadhi tanzu mbali mbali za fasihi simulizi. Kanda hizo hushika sauti pamoja na vidokezo vyake, kwa hiyo wasikilizaji ili wapate wanachokitaka lazima wanunue kanda hizo.

d)      Kanda za video, luninga na filamu z sinema CD, DVD na Kompyuta.

e)      Mtandao, pichaza video hurekodi sura na sauti,Picha hizo hutebeana kuonyeshwa kwenye skirini ya video na lunnga. Picha za sinema hupigwa kwa aina maalumu za kansera ambazo hupiga picha za mfululizo katika utepe maalumu. Picha hizo huonyeshwa kwa mashine na huonekana na zinatembea, kamera nyingi za sinema za siku hizi zina mitambo ya kurekodi sauti pia. Hivyo kwa kutumia filamu za sinema na video tunaweza kuhifadhi na kuonyesha kazi za fasihi simulizi.

ATHARI ZA MBINU MBALI MBALI ZA UHIFADHI WA FASIHI SIMULIZI

KICHWANI

Uhifadhi wa kichwani una matatizo yafuatayo:-

i)                    Kumbukumbu za akili zinaweza kupungua au kufifia au fanani kufa kabisa. Hali hii ikitokea fasihi simulizi hupotea.

ii)                   Mtu anayehifadhi kichwani anaweza kubadilisha mambo muhimu katika simulizi na hivyo kugeuza kiini cha masimulizi hayo.

iii)                 Kutokana na mazingira pamoja na mabadiliko kuna tatizo la kupata watu wanaoweza kuhifadhi kazi hiyo.

MAANDISHI

              Uhifadhi kwa kutumia maandishi una matatizo yafuatayo:-

Ø  Kuna mambo ya msingi ambayo hayawezi kuhifadhiwa katika maandishi. Mambo hayo ni yale yanayohusiana na utendaji, sauti, vitendo, toni, kuimba, muziki n.k. Matokeo ya kukosekana kwa vitu hivi ni kwamba ladha au athari ya kazi inayowasilishwa hupungua.

Ø  Katika maandishi fasihi simulizi haina sauti kwa hiyo msomaji anapaswa atie sautinna mahadhi yake mwenyewe. Shughuli hii inaweza kuharibu au kufanya kazi ya fasihi ipungue ubora wake.

Ø  Hakuna uhusianao kati ya fanani na hadhira kwa hiyo hadhira inashiriki kwa kuona maandishi.

Ø  Haibadiliki kutokana na wakati na mazingira. Hivyo huweza kudumu katika hali ile ile kwa muda mrefu kama ilivyo fasihi andishi.

Ø  Inakuwa ya ubaguzi au watu wachache yaani wale wanaojua kusoma na kuandika. Wale wasiojua kusoma na kuandika itawawia vigumu kuelewa fasihi hiyo iliyoko katika maandishi.

Ø  Ni gharama kubwa kuhifadhi masimulizi katika maandishi, hii ni kwasababu uandishi hutumia kalamu na karatasi. Hivyo hapa zinahitajika pesa za kununulia kalamu na karatasi na gharama za uchapaji.

KANDA ZA KUNASIA SAUTI

 Uhifadhi huu una matatizo yafuatayo:-

Ø  Kanda za kunasia sauti husikika sauti tu. Matendo hayawezi kushikwa na hii kuathiri tena uhifadhi na utoaji wa kazi za fasihi simulizi.

Ø  Hakuna ushirikishwaji wa hadhira kwani fanani na hadhira hawaonani ana kwa ana kwa hiyo hadhira inashiriki kwa kusikiliza kanda tu, sikio huathirika lakini jicho halioni.

Ø  Ni gharama kuhifadhi fasihi simulizi kwa njia hii kwani kununua tepurekoda pamoja na kanda zenyewe, betri, spea hupatikana kwa shida na kwa bei ghali licha ya hiyo si wote wenye uwezo wa kununua tepurekoda hivyo ni watu wachache sana wenye uwezo wa kuhifadhi fasih simulizi kwa kutumia chombo hiki.

Ø  Haitabadilika kulingana na wakati au mahitaji ya hadhira. Huweza kudumu katika hali ile ile kwa muda mrefu kama ilivyo fasihi andishi.

KANDA ZA VIDEO, LUNINGA, FILAMU ZA SINEMA, CD, DVD, VCD NA KOMPYUTA

Njia hii ina matatizo yafuatayo:-

v  Upungufu wa ushirikishwaji wa hadhira,Hadhira haiwezi kushiriki ila inasaidia kufanya fasihi simulizi kupata hadhira kubwa ingawa hadhira hiyo haionani ana kwa ana na fanani wao.Kanda hizo huwa zinatazamwa na watu wengi hivyo kupata hadhira wengi kwa wakati mmoja ambao hawasiliani na fanani wao.

v  Ni gharama,kwani vitu hivyo vinahitaji pesa nyingi za kununulia vifaa hivyo na watu wachache wenye uwezo wa kununua vifaa hivyo.

v  Haitabadilika kulingana na mahitaji ya jamii au hadhira au wakati.Huweza kudumu katika hali ile ile kwa muda mrefu kama ilivyo fasihi andishi

v  Kanda hizi na vifaa hivyo vinahitaji mahali pazuri ambapo panaweza kutunza vyombo hivyo kwa muda mrefu, endapo haitofanyika hivyo kuna hatari ya kupoteza kilichohifadhiwa katika vyombo hivi.

  KUHAKIKI KAZI ZA FASIHI SIMULIZI.

Kazi za fasihi simulizi zinaweza kupimwa na kuonekana kama zinafaa au hazifai. Kazi hizi hupimwa kwa kuzingatia uhusiano wake na hali halisi ya jamii.

Pia vipengele vya fasihi simulizi huangaliwa kwa kupima ubora wa jinsi vilivyotumika.Upimaji wa ubora wa kazi ya fasihi simsulizi hujumuisha umuhimu wa mambo yaliyosemwa katika jamii inayohusika au namna mambo hayo yanayosemwa .

Hivyo mhakiki atajiuliza maswali kama:-

Ø  Ujumbe utolewao hapa ni wa kweli na una manufaa au la!

Ø  Je maadili yatolewayo hapa yanalingana na wakati tulionao?

Ø  Je nahau, misemo, methali na tamathali za semi zinalingana na jambo linalosemwa au la!

Ø  Je mtiririko wa matukio unasaidia msikilizaji kuelewa kisa au unamchanganya?

Maswali ya namna hiyo yanamsaidia mhakiki kuelewa ubora wa kazi ya fasihi simulizi.Pia yaweza kutumiwa na mtunzi wa kazi ya fasihi simulizi ili kurekebisha kazi yake na kuifanya iwe bora Zaidi.

FANI KATIKA FASIHI SIMULIZI

Wataalamu wengi wamejaribu kufafanua dhana fani katika fasihisimulizi.Baadhi ya maoni ambayo yametolewa na Senkoro (1982:8) ni kuwa fani katika fasihi ni ule ufundi wa kisanaa anaotumia msanii katika kazi yake

Mulokozi na kahigi (1978:53) wanasema, kutokana na maelezo haya ya Senkoro inaeleweka kuwa fani ni ustadi au ubingwa au mbinu ambazo msanii wa kazi ya fasihi hutumia katika kuwasilisha ujumbe wake kwa hadhira yake.

Mulokozi na kahigi (1970:53) wanasema fani ni Sanaa na jumla ya vipengele vya lugha vilivyowekwa katika mpangilio mahususi ili kutoa kwetu maana Fulani kwa hadhira.

Taasisi ya ukuzaji mitaala (1988:168) wanasema fani ni umbo lililosanifiwa ili kueleza hisia za fanani.

Kutokana na maelezo haya fani ni jinsi msanii anavyojikanyaga umbo fulani na umbo hapa ni tanzu au aina ya Sanaa ili kueleza hisia zake kwa lugha ya ufasaha.

Kwa mujibu wa watalamu tuliowanukuu,fani ni majumuisho ya vipengele vyote vya fasihi ambavyo msanii hutumia katika juhudi za kuelezea hisia au maoni yake kwa njia ya ufasaha.

 VIPENGELE VYA FANI

1.     TUKIO.

Kaika tanzu za fasihi simulizi mara nyingi ni lazima pawe na jambo au tukio ambalo huchukuliwa kama kiini au chanzo cha utanzu utakaohusishwa fani au utanzu unaotumiwa na msanii havubuki tu hivi hivi.Tukio huwa ndio kishawishi cha fanani wa fasihi simulizi

Mfano: Nyimbo za unyago huibuka katika mazingira yake methali za kutuliza zaweza kutumiwa pale ambapo pana mahonzi ya aina fulani kwa hiyo ni lazima pawe na tukio ambalo kitachukua chemichemi ya utanzu utakaotumiwa na fanani kuwasilisha ujumbe wake kwa hadhira.

2.     MAZINGIRA/MANDHARI

Mazingira ni pale ambapo matukio ya fasihi simulizi yaliibuka ama yalitokea.Ufundi wa kuchora mazingira unatoa picha halisi, picha inayoonekana waziwazi juu ya mazingira yaliyohusika.

Fasihi simulizi hutegemea sana muktadha au mazingira maalumu hivyo tungo za fasihi simulizi huwa zimejikita katika utamaduni wa jamii zinamoibukia vifaa ambavyo vinatumika katika fasihi simulizi vinategemea mazingira yanayohusika, mfano msanii anapodhaminia kutoa picha ya kuogofya anatumia mazingira ambayo yanaogofya kama vile mazingira ya misituni na wahusika kama majitu ili kuleta dhana ya hofu katika mazingira yake.

3.     MUUNDO

Katika fasihi simulizi muundo ni mpangilio na mtiririko wa kazi ya fasihi simulizi kwa upande wa visa na matukio.

Katika muundo tunazingatia jinsi fanani alivyofuma na kuunda hata alivyounganisha tukio moja na linguine kitendo kimoja na kingine wazo na wazo, ubeti na ubeti na mstari wa beti na mwingine kuna muundo mbalimali katika tanzu mbalimbali za fasihi simulizi kuna miundo kama vile muundo wa moja kwa moja na kuna miundo changamano

Katika mashairi kuna miundo mbalimbali ambayo hutumiwa kuainisha mashairi kwa kufuata idadi ya mistari katika kila ubeti, miundo hii ndiyo hutupa mashairi ya tabria, tathilitha, takhmisa na n.k.

Katika hadithi na hata katika tamthiliya waweza kuwa na muundo ambao fanani ameanza kutokamwanzo akaenda katikati na baadae kumalizia kisa chake aina hii ya muundo unaitwa mtiririko visa au vitukio mbalimbali na vinaweza kuongezwa na kupunguzwa bila kupoteza maana ya hadithi au tamthiliya.

4.     MTINDO

Katika kazi ya fasihi ni ile namna ambayo msanii hutunga kazi yake na huipa sura ambayo kifani na kimaudhui huainisha kanuni na kaida zilizofuatwa kama zilizopo ni za kimapokeo na ni za kipekee kwa mkururo wa maelezo hayo unaweza kusema kuwa mtindo ni upangaji wa fani na maudhui katika kazi ya fasihi kwa njia ambayo hatimaye huonyesha nafsi na labda upekee wa mtunzi wa kazi hiyo.

Mtindo huwa na sehemu kuu mbili

i)        Maudhui na fani

ii)       Nafsi ya msanii ambayo hujitokeza katika mfano kati ya fani na maudhui

 Hapa tunatumia nafsi kwa maana ya maafikiano baina ya wazo linaloelezwa na mwelezaji wa wazo hilo.

Kinachosisitizwa ni kuwa ikiwa watunzi wawili watashughulikia mada moja, mitindo yao itakuwa tofauti na hapo ndipo tunafikia kauli kuwa “mtindo mtu” mtindo ndio unawawezesha watazamaji, wasikilizaji na hata wasomaji kungamua mtunzi wa kazi hata bila kumwona ama kusoma jina lake.

5.     LUGHA.

Hiki ni kipengele muhimu cha fani ya fasihi, lugha ndiyo malighafi ya fasihi.Lugha inayotumika katika kazi ya fasihi ni lugha ya kisanaa inayopambwa na inayokusudiwa kuibua hisia fulani kwa hadhira yake.Inaweza kuathiri moyo ya hadhira na kulingana na jinsi inavyotumiwa kwa lengo la kuchekesha, kukejeli, kubeza, kuchokoza, kutia hamasa au kushawishi

Matumizi ya lugha fasaha, uteuzi wa misamiati na matumizi ya misemo na methali zinazosadifu mazingira ya jaini inayohusika kufanya kazi hiyo ya fasihi simulizi kuwa sumaku ya kuvutia msomaji, msikilizaji au mtazamaji.

Tamathali za semi za aina mbalimbali hutumika kujenga picha mfano ya tamathali za semi ni kama vile sitiari, tashhisi, kejeli, kijembe, tabaini, tuniaba, tashibiha n.k.

Taswira ni lugha ambayo huchora pichaza watu, vitu au mahali kwa kutumia ishara katika taswira unaweza kubainisha maelezo ambayo jinsi yanavypangwa na msanii huweza kufanya hadhira zipate aina mbalimbali za hisi za kunusa, kusikia, kuona na kugusa.Mara nyingi hutumiwa na wasanii ili kunasa hisia zao kwa hadhira.

Hivyo wasanii hutumia maneno ambayo huumba picha kamili ya kitu, hali, wazo, dhana au uzoefu fulani wa jamii inayohusika.

Mara nyingi matumizi ya picha huenda sambamba na ishara mbalimbali ili kuwakilisha vitu, dhana au mawazo mengine.

6.     UPEO

Katika fasihi simulizi upeo ni kama kilele cha kazi yenyewe, kuna upeo wa aina mbili

Upeo wa juu.Ni zile sehemu za kazi hiyo ambazo hutosheleza hoja za wasikilizaji au watazamaji katika sehemu hii hadhira hupata majibu muhimu ambayo kazi hiyo imecheleweshwa kwa kutumia taharuki mbinu rejeshi, mtindo wa kiutelezi n.k.

Mara nyingi watunzi wa kazi za fasihi huweka kipeo cha juu mwishoni mwa kazi zao hata ingawa si lazima kuwa na kipeo kimoja tu wakati mwingine waweza kupata kazi ya fasihi simulizi ambayo haina kipeo kabisa

Katika kazi mbalimbali za fasihi wasanii hujenga mgogoro ambao hujtokeza na kukua jinsi kazi hizo zinavyokuwa, kipeo cha juu utokea ambapo pale msanii hujaribu kutoa suluhisho kwa mgogoro uliojengwa katika kazi yake.

Upeo wa chini.Ni sehemu ambayo matatizo yaliyounda kazi ya fasihi yanatatuliwa.Upeo wa chini ni pale ambapo haja na mataajio ya hadhira hayakukidhiwa katika baadhi ya kazi za fasihi vipeo vya chini huwadhihirisha la udhaifu wa kazi hiyo lakini katika kazi nyingine upeo wa chini huwa umekusudiwa hivyo na mtunzi.Hali hii ya pili hujitokeza hasa katika kazi ya fasihi ambayo upeo wa chini hutumiwa kwa lengo la kushangaza hadhira.

7.     UCHESHI KATIKA KAZI ZA FASIHI

Ucheshi ni kipengele muhimu cha kifani katika kazi ya fasihi hasa fasihi simulizi.Ucheshi ni mbinu ya kifani ambayo watunzi hutumia katika kazi zao za fasihi kwa lengo la kuchekesha na kurudisha hadhira na kuondolea uchovu.

Wasanii mbalimbali hutumia mbinu tofautitofauti kuleta vichekesho katika kazi zao.Baadhi yao hutumia vitendawili ili kujenga, kejeli, dhihaka, n.k. vichekesho pia huweza kutumiwa ili kujenga maudhui.

8.     WAHUSIKA.

Ni viumbe ambavyo hutumiwa na wasanii katika mtiririko wa matukio kuelezea visa vyake.Wahusika wanaweza kuwa watu, miti, wadudu, mizimu, misitu na wanyama wahusika huwa ni viumbe ambavyo vinatenda na kutendewa wanatumwa na msanii kusimamia hali mbalimbali za binadamu katika jamii wanamoishi.

Hawa ndio uti wa mgongo wa fani ya fasihi simulizi, Bilawahusika mtiririko wa matukio au visa hukosa pahali pa kujishikiilia wahusika si viumbe maalumu wa mtunzi kwa vile ndiyo wanaotumia kutoa picha au kuwasilisha mawazo na fikra zake kwa jamii inayowakilishwa na wahusika hao.

VIPENGELE VYA MAUDHUI KATIKA FASIHI SIMULIZI

MAUDHUI

Ni jumla ya mambo yote yanayosemwa na msimuliaji au mwandishi katika kazi yake.Vipengele vya maudhui au umbo la ndani la kazi ya fasihi ni kama vile

Ø  Dhamira, Ni kusudio la mtunzi wa kazi ya fasihi inaweza kuwa na dhamira kuu pamoja na dhamira ndogondogo.Ubainishaji wa dhamira hufanywa na hadhira,hivyo dhamira hufahamika kutokana na fasihi za wasikilizaji au wsomi wa kazi ya fasihi.

Ø  Ujumbe: Ili dhamira ya mtunzi itumie, msanii hutoa taarifa fulani fulani kwa hadhira yake.Taarifa hizo huitwa ujumbe. Ujumbe unaweza kutamkwa wazi au kwa uficho. Kwa mfano methali ya “Asije la mkuu huvunjika guu” ina ujumbe huu ukidharau maonyo ya wakubwa utapatamatatizo.Siku za mwizi ni arobaini ujumbe wa methali hii chenye mwanzo kina mwisho kwa kawaida kazi moja ya fasihi inaweza kuwa taarifa Zaidi ya moja.

Ø  Mafunzo: Ni mafundisho au nasaha mtunzi katika kazi ya fasihi.Mafunzo pia huwa na maana kulingana na fasihiya hadhira.Hadhira katika hadithi jinsi askari alivyopambana vikali na jambazi, aghalabu kukusudia kukemea uhalifu lakini baadhi ya wasikilizaji funzo ni ule utupaji wa ngumi na mateke.Mafunzo humfikiria msikilizaji au msemaji kwa njia ya ujumbe.Mfano katika ujumbe huu zakaiba akafungwa hapa funzo ni tusiibe wakati mwingine kazi za fasihi inaweza kutoa mafunzo mabaya (maadili) mtunzi anaweza kukusudia hivyo au kutokusudia hivyo

Ø  Migogoro: Hii huelekeza kisa lakini hujizatiti juu ya migogoro ya maisha anayosimulia fanani.Baadhi ya kazi za fasihi huonyesha ukinzano uliopo baina ya makundi ya watu au hali ya aina moja dhidi ya hali nyingine kuna aina nyingi za migogoro lakini Zaidi ni ile ya kisiasa, kiuchumi na kitamaduni au ile ya kibinafsi mfano: matatizo yanayosababishwa na uzembe dhidi ya watetezi wa kazi (viongozi) dhidi ya usasa katika mila na desturi husababisha mgongano wa kiutamaduni.

Ø  Falsafa: Ni mafunzo makuu ya msanii (mtunzi) kuhusu maisha. Mawazo haya hutokana na uchanganuzi wa kimantiki na huwa ndio hekima na busara za msanii (mtunzi) huyo.Ni Imani ya mwandishi au fanani katika maisha juu ya utatuzi wa matatizo katika jamii.

UMUHIMU NA UHUSIANO WA FANI NA MAUDHUI KATIKA FASIHI SIMULIZI.

Fani ni jumla ya mambo mengi yanayoijenga kazi ya fasihi.Mambo haya ni kama vile muundo, mtindo, mandhari na matumizi mbalimbali ya lugha.

Maudhui ni jumla ya mawazo au dhamira, msimamo mtazamo, falsafa na ujumbe katika  kazi ya fasihi. Kwa ujumla fani na maudhui ni vitu vya muhimu sana katika fasihi simulizi kwa sababu mtunzi hutumia vipengele hivi katika kujenga kzai yake anayotaka kuwasilisha kwa jamii inayohusika.Maudhui ni kila kina kinachosemwa na fani ni namna kinavyosemwa.

Fani na maudhui ni vitu ambavyo vinahusiana, vinaathiriana, hutegemeana na kukamilishana katika kujenga kazi ya fasihi simulizi na kila kipengele kimo ndani ya kingine

Mudhui hujumuisha viungo mbalimbali vya kazi ya fasihi simulizi na fani ni mbinu za kisanaa zinazotumiwa na msanii ili kuvifanya viungo hivyo viyasawili maisha kwa njia ivutiayo hadhira kila kigezo (fani na maudhui) kimo ndani ya kingine huku vikishirikiana na kuathiriana katika kujenga au kubomoa kazi ya fasihi simulizi.

KUTUNGA KAZI ZA FASIHI SIMULIZI

Utungaji ni uundaji wa mawazo na kuyapanga maneno yakuwasilisha ama kwa njia ya mdomo au kwa njia ya maandishi.Utungaji unweza kutolewa kawa njia mdomo aqu kwa njia ya maandishi.

Mambo ya kuzingatia katika kutunga kazi ya fasihi simulizi.

i)        Kuwa na jambo lakuelezea (tukio).Mtunzi anapaswa kuwa na jambo ambalo unaona kuwa linasababisha mivuto katika jamii.Jambo lazima litoke katika jamii inayohusika na isiyo nje ya jamii hiyo.

ii)      Kuteua utanzu atakaotumia.Mtu ni vyema kujua ni utanzu upi utakaotumia katika kuwasilisha jambo hilo kwa jamii.Kwa kawaida fasihi simulizi ina tanzu nne ambazo ni hadithi, ushauri, semi na Sanaa za maonyesho (maigizo).

iii)    Kuteua vipengele vya maudhui, mtunzi anapaswa aangalie nini dhamira yake, kuna ujumbe gani kwa hadhira, hadhira upata maadili gani na je migogoro ipi na uwasilishe vipi ili isipotoshwe lengo zima la kazi yake.

iv)    Kuteua kipera kitakachotumika katika uwasilishaji wa kazi yake kwa hadhira, mfano kama mtunzi ameamua kutumia utanzu wa hadithi bila kuchagua kipera kimoja wapo kati ya ngano, soga, vigano, visasili au tarihi (visakale)

v)      Uteuzi wa vipengele vya fani. Baada ya kubaini vipengele vya maudhui, msanii anapaswa aangalie namna atakavyowasilisha maudhui hayo kuwa jamii.Hapa atatumia au atashughulika na vipengele vya fani ambavyo atavitumia katika kuwasilisha ujumbe wake.Vipengele hivyo ni muundo, mtindo, wahusika, matumizi ya lugha na mandhari.Sehemu hii ndiyo ambayo mtunzi anatakiwa kutuma ufundi na ubunifu wa hali ya juu ili kazi yzke ieleweke, ielimishe na kusisimua hadhira.

Share: